• Sep 29,2016

அடுத்த மாதம் (அக்டோபர்) 17,19, ஆகிய தேதிகளில் தமிழகத்தில் நடைபெற உள்ள உள்ளாட்சி மன்றத் தேர்தலில் இந்திய ஜனநாயகக் கட்சி போட்டியிட உள்ளது. இதற்காக ஆங்காங்கே உள்ள மாவட்ட, ஒன்றிய, நகர  நிர்வாகிகள் முழுவீச்சுடன் பணியாற்றி வருகின்றனர்.

எந்தெந்த பொறுப்புகளுக்கு, யார் யார் வேட்பார்கள் என்பதை சம்பந்தப்பட்ட மாவட்ட நிர்வாகிகளே முடிவெடுத்து வேட்புமனு தாக்கல் செய்யும் பணியினை செவ்வனே செய்து வருகின்றனர். இப்பணியினை ஒருங்கிணைக்கவும், வாக்கு சேகரித்தல், பிரச்சாரம் மேற்கொள்ளுதல் உள்ளிட்ட தேர்தல் பணிகளை முறைப்படுத்தவும் மாவட்ட வாரியாக பொறுப்பாளர்கள் நியமிக்கப்பட்டுள்ளனர். இவர்கள் அனைவரும் கட்சியின் பொதுச்செயலாளர் திரு. பி. ஜெயசீலன் அவர்களின் ஆலோசனையின் பேரில், தேர்தல் பணியினை மேற்கொள்ளவேண்டும். இப்பணியினை மேற்கொள்ளவிருக்கும் மாநில, மாவட்ட நிர்வாகிகளின் விவரம் வருமாறு :

திரு. பி. ஜெயசீலன் – பொதுச்செயலாளர் (தமிழக உள்ளாட்சித் தேர்தல்  மாநில பொறுப்பாளர்)

திரு. எம்.எஸ். ராஜேந்திரன் -  கொள்கை பரப்புச் செயலாளர் (தமிழக உள்ளாட்சித் தேர்தல்  மாநில ஒருங்கிணைப்பாளர்)

திரு. எஸ். ஆரோக்கியம் – தேர்தல் பணிக்குழு செயலாளர் (வேட்புமனு தாக்கல் உள்ளிட்ட தேர்தல் பணி சட்டஆலோசகர்)

நடைபெற உள்ள இந்த உள்ளாட்சி மன்றத்தேர்தலில் போட்டியிடும் வேட்பாளர்கள் மற்றும் கட்சியின் நிர்வாகிகள் அனைவரும், அறிவிக்கப்பட்டுள்ள தேர்தல் பணி மாவட்ட பொறுப்பாளர்களுக்கு முழுஒத்துழைப்பை அளித்து சிறப்பான முறையில் தேர்தல் பணியாற்ற வேண்டும் என கேட்டுக்கொள்கின்றேன்.